6月又去台北

舊年才去了台北，今年又去(應該破唔到某同事5年去7次台灣的記錄)，上次旅行的遊記都未寫完呢! 不過今次是跟由小學開始識的朋友第一次一齊去旅行!  唔知會點呢?

兩個月前已定了日子(6月第二個星期)，剛剛過去的星期日，就去旅行社買了package，長榮+天成酒店，4日3夜，$2199 + (機場稅) $513 + (保險)$127=$2839，唔算貴吧!

行程未定，但一定唔可以行得太多路，可能會去九份，因為未去過。 另外，想有多點時間行西門町。

一定會買我的美麗日記面膜(好用&平)，杏仁酥(太好食了，應該會買好多盒)，另外仲想買書。 維格應該唔會買好多，因為我唔想每次都帶一大個紙箱回來。

已經諗緊買乜手信返公司，個個去台灣都係買那幾樣東西(鳳梨酥、太陽餅、鐵蛋、黑橋牌...)，冇乜特別呢!

不過，現在仲有件更麻煩的事，就是工作，剛剛請回來的那個人走了(對於一個好有工作經驗 & 人生經驗的人竟然會有如此態度，實在不願再提)，只有我&另一個女同事支撐整個部門，加上開始踏入旺季，我去了旅行，就只有她一個人做晒所有工作(我想沒可能在我放假前請到人)，雖然我只是請3.5日大假(有半日休息)，都就好似放3星期假一樣，現在就要安排/預備好6月中前的工作，所以放假前應該每晚都要開OT。 (其實之前沒想過會有這麼重要的問題，一來是當時請了新人，二來我有時會把有關連的事，分開來思考，即是旅行還旅行，工作還工作，但之後才發生其實兩者是互相影響呢!)

已經想好旅行時都要開手機，方便同事找我。

希望一切順利吧!