一週動畫雜感 (5-11/5/08)

彩雲國物語 (#11-12)

影月登場，但把聲好怪，tvb有咁多可以配男孩的配音員，為什麼要找一個唔係幾配到男孩聲的呢?  整集都係講青樓、花街、柳巷、妓女...，很難得tvb冇cut or 改對白。 (因為要cut就要成集cut吧!)  黎深把聲順耳咗，好好笑。

火影忍者

我愛羅悲慘的過去，一直以為愛護自己的人，原來都係恨自己，連親生母親都唔想自己出世，好可憐啊!  雖然鳴門都有類似的身世，但他就好幸運，可以遇到真心愛護自己的人。 到底鳴門點對付已經變成90%完全體的我愛羅呢?  第三代&大蛇丸仍未分出勝負。

soul eater (#5)

打鬥好緊張!  完全係實力懸殊。 科學怪人果然是好人，其實他是受死神校長所托為瑪嘉等人補課，最後更成為他們的班主任。 宮野kid今次負責搞笑，下集就正式入學，一入校門就同soul eater & black star打。

吸血鬼騎士 (#5)

樞的肉麻骨痺對白&舉動，連我這個睇少女動/漫畫的正常女生都頂唔順，毛管桐!  還好有最後幾分鐘的劇情，才不至令我感到浪費時間 - 零想咬優姬，不過最後都忍住，但就俾新登場的老師(吸血鬼獵人)射了一槍，原來他們是兩師徒!!!  下集師傅要大義滅親!!!

macross frontier (#6)

原來今集係出征前夕，下集先開始打。 星探好搞笑(紫髮男全都是來搞笑嗎?) 隊長答應讓小妹妹當歌星時個樣，好似好唔情願。 露天茶座張枱好好玩呢!  應該可以實物化!

公主對小妹妹講大話應該係唔想搞大件事。 不過，小妹妹明顯好唔高興，最後會唔會跟歌姬反目呢?

後半部搞到好似尾二集-大決戰前夕，(公主&歌姬)戀人離別咁呢!  (尤其是ed的歌詞，好touching)  原來ed最後一幕就是用來做告別演唱會。 (原來告別演唱會係frontier開，歌姬未返galaxy)  我好想問如果歌姬唔做歌手，咁之後咪冇新歌?  (只有小妹妹唱?)

雖然暫時歌姬形勢大好，但現在才第6集，有隱憂呢!  看了劇透，歌姬&小妹妹會跟公主做同學。 小妹妹會拍戲。 有神秘人物出場。

圖書館戰爭 (#5)

標題係"兩親搞亂作戰"，其實亂的只有郁一個。(經常性慌慌張張) 郁的父母唔想郁做圖書館員的心態跟唔想子女當警察/消防員一樣，但如果所有人都因為父母而放棄當危險的職位，哪市民還有誰來保護!?  雖然不是要他們當偉大的父母，但起碼就是要支持子女的想法，因為他們的想法沒有錯。

母親當然是比較着緊，還好郁有個開明的父親。 其實只要溝通清楚，講出自己的想法，應該是有商量的餘地，瞞騙可能會帶來反效果的。

最後父親跟堂上道別，就好似外父把女兒交托女婿照顧一樣呢!

~~~

tvb竟然突然間係今日早上續播停了兩年的"魔法小神童加旋"呀!!!!!  係晚上睇討論區先知! (oh no! 仲要連播兩集!)  難怪有人話俾tvb跣咗一鑊...