一週動畫雜感 (9-22/6/08)

loop了很久的一篇...

少年陰陽師 (#7-10)    

其實彰子唔似係個任性的大小姐，所以劇本寫佢唔聽昌浩的勸告，明知有危險都要外出，就有d唔合理，但唔咁做又冇戲做!  年輕的晴明又出現，對於聽唔到日配覺得好激氣。

彩雲國物語 (#21-24)      

龍蓮自考試後再出場，對於藍家好有興趣，中文版小說好似已經講到藍家的事，唔知animax幾時播第二輯呢!  秀麗等人正式出發往茶州，下集秀麗就會遇到人妖!

火影忍者      

終於都有得睇啦!  不過因為歐洲國家盃，所以變成只播1集。  上上集可說是有史以來最好睇、節奏最明快、劇情最豐富的一集!  之前以為木之葉村冇乜高手，但原來只是未到時候出手(但那個把自己變大的法術，好似唔多實際)。  火影與大蛇丸的拉鋸戰終於有結果，雖然火影犧牲自己都唔可以殺死大蛇丸，但就廢了他一雙手，即等於廢了他的忍法。  不過只要大蛇丸未死，他都有辦法用到忍法。  鳴門亦都打敗了我愛羅，令他有番人性，他們將來會再遇嗎?  卡卡西口中的疾風是誰?

魔法小神童加旋    

其實一集都可以解決那個v型千年妖怪，但硬係要做兩集。  以為打完可以走人，點知又來多兩隻妖怪。  但非常奇怪係其中一隻妖怪竟然會幫清麻呂!!!  而係佢地快要被打敗的時候，馬岡的主人竟然出現，而且仲係非常厲害的角色!

創聖之aquation (#1-4)  

估唔到有線兒童台會播(7月會播魔法少女奈葉，一連3輯。 以前只睇過第一集，雖然故事幾特別。 有線好似有cut嘢，遲d應該仲多吧!   OP很好聽，到現在仍然留係部MP3內。  ED都很好聽!

S A 特優生 (#10-11)     

彗終於都出手啦!  彗要求如果今次考試的成績比光好的話，光就要一整天都聽他的話。  結果當然是彗又考第一啦!  (其實第10集的主角是龍!)  之後一集以為是期待已久的約會，但彗父突然殺出帶走了彗去傾生意，變成宙因為唔想相睇，而找光來假扮情侶的唔係約會的約會(他們都是超級天然呆!)  最後彗終於出現帶走光!  下集好似係完結篇。

soul eater (#10-11)    

兩集的主角是椿。 椿的哥哥變成妖刀，椿要乘他未變成鬼神前消滅他。  故事就是椿如何面對過去 & 自己的缺點， 以及black star對她的信任。  最後當然是順利完成任務。  下集魔女再度活躍。

吸血鬼騎士 (#10-11)      

因為是閑把零變成吸血鬼，即是他的主人，所以他唔可以殺她。 樞竟然把目睹一切的優姬洗腦，幸好之後閑令優姬恢復記憶。 一縷竟然是因為憎恨零，所以帶閑來殺自己的父母!!!  (雙子的愛恨交纏!)  閑要優姬用樞 or 自己來交換救零的方法，加上藍堂等人在學園地牢找到被囚禁的閑的真身，難道是樞做的?  不過，重點是零好似用了兩個姿態來吸優姬的血!

macross frontier (#11)      

之前停播一週。 公主生日那天揀了歌姬，而捨ranka & 師兄(誤)。  正確來說是在飛行與承繼家業之間，揀了飛行(只怪公主與師兄的BL圖令人亂想)。 不過肯定的是公主沒有把ranka放在考慮之列(應該是吧!)。  ranka一個吃曲奇好可憐!  歌姬目前形勢大好，但這反而有隱憂呢!!!  是經理人專登引歌姬去小行星，預告見到公主被圍是經理人一手安排嗎?  神秘男子都有去，她到底打什麼主意?  今集ed應該又是特別版ed。 據聞ed2仍然是歌姬唱，而op2則是歌姬 & ranka合唱。

圖書館戰爭 (#10-11)          

下集就是最後一集。  終於進入戲玉呢!  咁快就完，會有下輯嗎?

圖書館內都有支持與良化隊和談的人，但好似都唔係好人/好事。  因為地方圖書館館長的政策，而令地方的戰爭隊員被歧視，而郁是唯一的女隊員，所以成為打擊對象。  (不過可以因此得以被堂上懷抱就乜都抵番!)  但竟然把郁的母親叫來真是太過份。  幸好她有個明白事理的父親，而且更乘機解決了問題。 不過，當眾大打出手就唔係幾好。 (原來郁有兩個哥哥)

尾二一集的對戰都幾緊張!  最重要是有堂上安定慌亂的郁的擁抱!  小牧與之前有過過節的良化隊隊員的對話，表明對方的目的，良化隊其實只是為了某大人物的政治目的而存在，大家都不是真心為社會做事。

堂上被瘋掉的館長射傷+被困火場，到底會點呀?