陳慧琳Love Fighters演唱會08

估唔到回來後第一篇文會是寫kelly的演唱會。

友人星期六早上打電話來說因跟男朋友吵架，冇人陪去睇演唱會(當晚)，所以免費請我去。  $480的位，免費啊!  當然去啦!   (好明顯友人是die hard fans!)

不過，雖然票上寫第5行，但我們絕對不是坐第5行，應該是第8-10行吧!  最前面的位是非賣位嗎?

基於我不是kelly的fans，所以我唔覺得十分之好好睇(評語: 都幾好睇)，加上她本身的快歌 & hit 歌不多(最好聽的是舊歌)，總覺得氣氛不是很高漲，不似草蜢 & 郭富城的睇得好high!  (粉絲們不要打我)  最有氣氛是叫全場起身跳舞那part，但只有3首快歌，唔係幾夠喉。

可能因為她之前有套戲"江山美人"，所以今次的歌衫主題都是王者、戰士 & 公主，雖然不是好性感，但就好型好靚，其實歌衫不用咁露肉。

最有驚喜是她跳扭腰舞，美人魚都好靚。 唯一要彈就是要跳舞的時候她跳得不夠多&放。 另外，企定定講嘢時都幾悶。 

最後，竟然冇人叫安哥，約11:10pm，唱完最後一首歌就完。

~~~

因為是臨時被邀請，所以冇帶相機，唯用手機影咗幾張相(都算見得人)，等緊友人把她影的相send過來。

開場前

最後一part