出發前好忙忙

這個星期忙到嘔，晚晚差不多11pm才收工，冇時間plan行程，終於到星期四感到頂唔順。

一來上星期farewell唱k，唱得太厲害，有點失聲，原本都好返d。 點知星期二竟然有新人來上班，跟她講了兩小時，就立即喉嚨唔舒服，之後一日吃了3粒喉糖都冇用。 加上頭痛 & 失眠 (滿腦子是公事，搞到4點幾先瞓到)。 結果第二天是一副病樣返工。 那刻感到工作好辛苦，頂唔順，好想唔做。

不過，去到星期五，心情又好番d。因為好多事已經趕唔切做(不是我的問題)，唯有交俾同事幫我做。 (辛苦她了!)

原本打算如果今天工廠俾到資料，我會回公司做，不過剛巧遇上黑雨，即是唔洗返。

今早的黑雨搞到水浸封路入唔到機場，都有d擔心，希望星期一天氣好d啦!

原來出發前兩日不用返工是非常好的，因為完全有時間去執行李。