一週動畫雜感 (1-7/10/07)

灼眼的夏娜 (#17-18)

另一位火霧戰士登場，亦令吉田知道悠二是火炬的祕密，悠二明明是想約夏娜去祭典，但最後卻同吉田去，而且在緊急關頭，又去追受驚的吉田而不理夏娜，這種左右逢緣的行為很不要得呢!  新登場的奸角似乎好厲害。 原來緒方喜歡的是榮太，我還以為她喜歡的是較靚仔的啟作。 (第二輯剛剛在日本開始播，香港幾時有得睇?)

彩雲國物語 (#15-16)

原來黎深係因為哥哥邵可收養了靜蘭，所以才收養絳攸，雖然開始的動機不純，但教養一個人是必須出自真心，如果唔係，絳攸又點可以輕易成為狀元。 原來有人在暗中搞事，不單只軟禁秀麗 & 影月，連紅黎深都夠膽拉!  另外，哪個在門口偷偷送食物的人話唔埋就係那個安排他們洗廁所 & 擦鞋的吏官!?

動物橫町

終於有第3個人類出場，是小美的幼稚園老師，是個幾失魂的人，但原來佢之前已出過場，點解我冇睇過!?

keroro軍曹

keroro、giroro & dororo小時候的尋寶回憶。 keroro由細到大都係咁縮骨，還好他始終都冇賣甩dororo自己走咗去。giroro細個冇大個咁好人，都有少少私心，不過為咗救dororo，就算犧牲自己的收藏物也不介意。  不過最慘都係dororo小時候經常被keroro搵笨(好慘呀!)，幸好大個之後冇乜嚴重的後遺症，只係有時會因為觸動心靈創傷而情緒低落。

death note (tvb)

雖然海砂的粵配有很大違合感，不過又真係配很好白痴。 配得最好都係流克，月kiss海砂的時候，佢"wo"一聲，真係好抵死。 另外，L接聽月打給海砂的電話時，月講"你喂夠未"，都好地道，好有親切感。