一週動畫雜感 (15-21/10/07)

灼眼的夏娜 #21-22

夏娜為了救悠二擋了威爾艾米娜一擊，傷得好重，但又很快復原，是火霧戰士的能力嗎? 還有兩集就播完，又追少一套。

彩雲國物語 #19-20

劉輝真是痴心一片呢!  今集多次明確向秀麗表明非卿不娶，但可惜襄王有心，神女無夢，秀麗亦明確表明他們是沒可能，而劉輝其實亦很明白並接受(忍痛把她調離開自己的身邊)，但仍然對她一片痴心，咁好的男人真是世間少有(動畫會多dd)，希望秀麗會漸漸愛上他吧! (雖然他們君與臣的身份係一大障礙) 靜蘭的過去其實好慘，被媽媽話係負疊(但做得妃子唔係就要為皇帝生小孩嗎?)，得唔到母愛，又因被奸人陷害而流放，更加有一段時間有神秘&痛苦的經歷(?)，如果唔係天性樂觀 & 有秀麗一家收養，之後的他真是令人擔心。 先代皇帝登場，但我唔覺得係英明的人，起碼佢唔可以壓止身邊的人撩是生非。不過想到要用荒廢政事來為國家除瘀血，又覺得佢好有自信。 另外，小時候的劉輝超可愛呀!!!  還有我隱約見到一個令人感到噁心的身影!

keroro軍曹

keroro+蚊子的造型好噁心。 另外，睇咗上一季giroro1變7個集，好好笑，唔單只惡搞裴勇俊(我絕對唔覺得giroro有裴勇俊的特質!)，仲惡搞7武士 & gundam的shining finger(金手指?)。 那個什麼惡搞的小加是什麼來的??　非常佩服giroro的配音員可以配出7把唔同feel的聲。

動物橫町

小美因為要遲到而坐立不安，但我好想問與其係度驚，又同小爾佢地諗辦法用2 mins搞掂出門口，點解唔慳番d時間來快快手準備返學?

death note (tvb)

局長、月 & 海砂三人在車內一幕真是睇得好緊張，氣氛營造得很好，局長亦出奇地非常好戲。 不過最好睇都係L、月 & 海砂的三人約會，除了是因為有我最喜歡的二人對打外，今次的粵配也把L配得好可愛呀!!!  完全表現出L的小孩子性格!  其實我覺得呢兩集的相澤的戲份好重: 因海砂的胡鬧而發脾氣、因保安系統而搞到好狼狽、因L的不信任而不滿 & 最後因為要退出L小組而痛哭。 完全是因為他在這集之後要暫別而安排吧!  staff對他都不錯呢！