去唔成桂林

年頭的時候爸爸已經話咗今年年尾一家人會同親戚一齊去桂林，而且會坐臥舖火車，所以都幾期待。 終於落實咗今個月去，但最後因為日子 & 交通問題，我沒有去。

他們係上星期先至落實要去一個星期，但我又唔可以突然請咁多日假(我這星期的工作是要早兩個星期安排的)。 如果分開出發，交通上又會有問題，因為內地的軟臥是4個人一間房，如果我&媽媽遲2天出發，便只有我們兩母女跟唔知咩人係一間房，身邊冇人搭過臥舖火車，上網search又找不到有用的資料，所以唔知咩環境，加上成日都聽到大陸有d好恐怖的新聞，所以真係唔敢。 如果唔搭火車就要係深圳搭飛機，但聽講大陸的飛機又成日delay，又冇火車咁方便，最重要係，我好驚搭飛機嘛!  就算解決去程，還有回程的問題，因為他們話要買硬臥，好似成十幾個人一間房，慢慢長夜好驚嘛! 

就係咁，所以我最後決定唔去，都有d可惜呢!  今次去唔到，都唔知幾時會有機會去(未必會同朋友去呢d地方)，而且我好想試下坐臥舖火車呢!