一週動畫雜感 (31/3-6/4/08)

玻璃艦隊 (#19-20)

提督發現神聖皇帝可能係那個失蹤的孖生皇子，但他臨終時卻沒有講出來，為什麼呢?  囚犯們的前老大都壯烈(?)犧牲了，但如果一口氣衝過去然後自爆會更壯烈。  之前以為係米錫來救古雷奧，但原來係掉反轉。  神聖皇帝軍有咁多戰艦咩?  點解那隻古代戰艦中咁多彈都冇事?  米錫跳上來接住跳落嚟的古雷奧，二人再不停在宇宙中轉圈，那幕有點浪漫，但那他們應該會俾條安全繩纏住!?

彩雲國物語 (#1)

呀!  中文op呀!!!  依家仲有邊套動畫可以逃過一劫呢???  呀!  唔知道原來一次播兩集!  只錄了第一集!  配音方面，所有已出場的男角都不錯，尤其是邵可、偢英 & 三老頭。  反而秀麗就唔係好得，平時講嘢都ok，但情緒激動時的聲音就略為高音，有點細路女，日版係沉反少少的。  唔知點解睇第一集睇得好開心，係咁笑，之前睇animax的時候都唔覺咁好笑，應該係因為配音吧!  其他有睇第二集的人講，tvb把劉輝喜好男色的情節刪改，其實都估到佢一定唔會照出，但係咁改法，之後好多嘢都要改?  仲有入面好多kiss的畫面，又會唔會cut呢?

火影忍者

終於都開始打啦!  佐助套衫唔同咗。  鹿驚把自己的絕招教咗佐助。  我愛羅的怪物姿態暫時只見到隻手，之後會唔會見到完全體呢?  風忍 & 音忍開始行動，好大陣仗，最後會唔會因為我愛羅的失控而失敗呢?

Macross F (#1)

op有好多情報，e.g. 外星敵人係人型尖耳 & 男主角的藝妓look，果然男主角出身自演藝家族的設定係有原因的。

第一集的內容大致跟先行版一樣，但就cut咗d，又加多咗d。 多咗的主要係歌姬的戲份(可能係因為先行版內男主角&歌姬只有一幕對手戲)，e.g.後台灑大牌(會令人討厭呢?) & 男主角&歌姬的臨時空中演出(令男主角認識她專業的一面)。

不過，我覺得先行版好睇d(絕對唔係先入為主!)，因為正式版把作戰的部份剪得肢離破碎，而先行版內的作戰場面加上歌姬的演唱會的效果很好，令人看得很緊張! (就是因為呢一段而引起我的興趣呢!)

ed出奇地短，但原來又唔係真正的ed，據報ed係歌姬唱的。

另外，上網睇先知原來歌姬大男主角一年，而小妹妹就細男主角一年(嘩! 完全睇唔出呢! 她好似小學生呢!)。