ヱヴァンゲリヲン 新劇場版：序

原本打算上畫後第二個星期六才去看早場，但原來最近的戲院竟然是旺角(UA朗豪坊)!  加上怕它伯到時會減場數，又剛巧今天下午會去旺角，所以就決定今天去看。

今天10am就要起身(11am前要出門)，對平日冇2pm都唔起身的我，真是有點辛苦。 因為只有自己一個去睇，所以心裡有點莫名的緊張(還好售票的是位師奶，冇咁尷尬)。

雖然我有睇TV版，但13年前的事，真的不是記得清楚(我連3天前搭幾多號巴士返工都唔記得!)。  之前睇討論區知道今次係舊+新畫面，但我完全睇唔出。

劇情都係睇到先記得，所以唔確定是否真嗣第一次出擊就係初號機暴走，只知渚薰冇咁早出場!  月球上有"亞當"?

其實今次係舊故事但用新的編排，所以就算冇睇過舊版都一樣冇問題，而睇過的亦可以用新角度去看。 今次的編排就令人比較容易明白故事內容。 (e.g. NERV & SEELE背後的計劃，雖然仲未清楚說明)

另外節奏明快，打打打，98mins內打3隻使徒，加上最後的屋島作戰睇得好緊張。 至於真嗣內心戲少咗 & 直接咗，反而仲好仲易明，所以整體來講係好好睇!  好值得係戲院睇! 

英文片名的副題係"You are (not) alone"。  "you"應該係指真嗣。  他一直以來抗拒跟別人接觸，亦認為自己好無用。  但自從當上初號機的駕駛員後，就開始有人關心(葛城)，得到別人支持(鈐原 & 四眼仔)，亦開始關心別人(麗)。  所以他不再是孤獨一人。  (不過仍未得到他最想要的父愛)

因為知道最後有下集"破"的預告，所以播完之後仲坐定定，在場都有大半人冇走。 之前已經聽過宇多田光唱的主題曲"beautiful world"，覺得很好聽。 但睇完套戲，再一面睇roller一面聽，感覺仲正!

播完預告之後竟然有人拍手呢!  (仲有人大叫"好"!)  估唔到會有人拍手呢!  (那個時間 & 地點)  我都有拍手呀!

預告有3、4、5 & 6號機出場，仲有明日香 & 渚薰的正式出場，已經覺得之後的內容可能會有很大修改。  希望之後劇場版香港都會有得上映吧!  但前提係日本幾時上，因為到現在仲未知"破"的確實上映日期(只知道係今年)!