鹿男與奈良 最終話

唉呀! 原本想上星期寫呢篇的，但Yahoo突然維修系統3日，搞到想寫都唔得。

言歸正傳，雖然之前有介紹過幾套08年冬季日劇，,但其實我一套都冇睇過。 不過，剛剛逛鹿男的官網，見到有張玉木宏 & 綾瀨遙準備kiss的劇照，就立即引起我的興趣。  (因為我以為他們是沒有感情線)

雖然我只係睇最後一集，但因為之前有睇咗少少人家寫的每集劇情，所以都知少少。  但其實我的重點係”kiss”呢!  劇情唔知都冇所謂! 

今次玉木宏真是艷福不淺，首先又攬又kiss綾瀨遙，然後又有女學生主動獻吻(其實只是為了幫他解咒)。  兩次kiss都要hold好耐，因為要前後、左右 + 360度拍攝，個pose定咁耐都幾辛苦。

玉木宏真係好瘦!!!  據說是為了配合角色(神經質的小川)而減磅。  演技方面，我覺得有明顯的進步呢!   而綾瀨飾演的道子，就有點土，但在愛情方面都幾主動，亦很善解人意。  另外，演女學生堀田的都很搶眼。  至於另一主角(?)鹿神，雖然好明顯睇得出製作上比一年前華麗一族的大錦鯉神似好多，但都係一睇就知係假的。

原本都擔心小川 & 道子剛開始拍拖就要分開(小川回東京，道子係奈良)。 但原來之後小川打算乘道子來東京的時候求婚呢! (但道子卻不停的說話)  其實點會有人係人來人往的大街上，一面行，一面求婚呢!?

唔知仲會唔會有續集 or 特別篇呢?  我很喜歡玉木 & 綾瀨的搭擋呢!

道子好可愛呀!

請留意: 堀田係一手扯住小川的領呔，拉佢個頭出車外