一週動畫雜感 (4-20/4/08)

玻璃艦隊 (#23-24)

原來配角的對白/戲份突然增加就是領便當的先兆。 雖然艾米露未知生死，但就必是重傷。 愛得太深變成痴，教皇女兒因為多番被拒愛，竟然殺了皇帝最愛的寵物(人)，最後皇帝一定會敗在這個危險的女人的手上吧!  雖然他們終於知道彼此的身世，要大家合力才可以拯救銀河，但皇帝一時之間實在很難接受這個事實，古雷奧仲打算犧牲小我，不過最後都冇，咁之後會點呢?  其實我唔係好明那個所謂真相/事實，甚至那個銀河的歷史，不過唔明都唔係好緊要。

彩雲國物語 (#5-6)

到咗龍蓮登場，秀麗被捉，茶太保叛變，好期待下星期老人腐語(?)會點配呢!?  劉輝的配音仲係唔多得。

火影忍者

鹿丸 & 第三代火影的兩場對戰都好令人擔心呢!  緊張得唔敢睇呢!  尤其是鹿丸，近來戲份多咗，好驚佢會領便當，幸好最後都冇事。 老師最後出手解救，都有點出人意表。 另外，都好擔心第三代會死(因為年紀大了)，最後以為他終於贏了，點知大蛇丸又有驚人舉動!   大蛇丸係女的嗎?  場外觀戰的暗部都真係幾得閒無事做，淨睇戲。

我家有個狐仙大人 (#2)

只是為了男裝的空而睇(異性相吸嘛!)，但他出場超少，這套應該是以女裝的空來做賣點。

soul eater (#2)

真係唔想睇一事無成，只顧show off 的black star，不過其實他只要認真起來都幾厲害(& 心地善良)，最後之後他唔好再失敗。 期待下集完壁的少年。

吸血鬼騎士 (#2)

零真是太好人了，明明自己好辛苦，仲要幫優姬送朱古力俾敵人。  幸好最後可以得到優姬唯一成功製成的朱古力。 下集零終於忍不住要吸血了。 (很期待，還為此先看了漫畫)

macross frontier (#3)

雖然今集歌姬蝕底俾公主，但仍然是小妹妹跟公主的互動較多(好多)，不過歌姬的積極爭取 & 命運掌握自己手中的信念就影響到公主 & 小妹妹(公主要加入sms，小妹妹要參選miss macross)。 歌姬忘記問公主拿回耳環，即是他們還會再見啦!  始終他們都不是同一個船隊的人，如果歌姬離開，他們以後好難見面呢!

圖書館戰爭 (#1-2)

因為被評為有機動警察(其中一套我最愛的動漫)的風格，所以試看第一集。 結果是(我覺得)比狐仙大人(甚至吸血鬼騎士)更好看，追看決定!   故事背景係媒體良化隧 vs 圖書館隊(即審查媒體言論 vs 保護言論自由)，但主要應該係講女主角的成長 & 戀愛吧!  女主角笠原跟機動警察的泉一樣是熱血 & 運動超好的衝動型，而且對工作十分熱愛。 男主角堂上竟然比笠原矮(5cm)，這個設定很少見，很特別呢!  超喜歡睇男女主角的激烈鬥咀呢!  很好笑!  另外，每集最後都有一個爆點，第二集係，明明睇唔起笠原的優等生手塚竟然向笠原表白呢!!! 

雖然故事設定好似有點超現實，政府又允許自己國家有內戰，但其實侵犯言論自由的事在現今社會並不少見，有侵犯就自然有捍衛，而矛盾在政府的政策上亦很常見，只是創作始終會天馬行空一點，但我很愛其寫實的風格，完全沒有違和感。 而且圖書館武裝化在ROD(我冇乜睇過)已有。

還有，op很好聽!  (但聽不出是高橋瞳唱)