america's next top model ~ exposed & circle 10 (#1-5)

"antm exposed" 其實都已經播完好耐，而antm 第10輯都播咗幾集，但我係到現在才有時間寫。

"antm exposed"

就是在播第10輯前來個歷屆難忘事件總結，那些事件其實對antm fans一點也不陌生。  重點反而是請了幾位歷屆參賽者上來主持。  toccara最多嘢講，heather竟然跟circle 8的jael成了朋友，eva是唯一一位出現的冠軍(原來她跟ann被人傳有不尋常關係)，另外仲有bre & joanie。  最後shandi的偷歡事件又再一次被拿出來。

"antm circle 10"

#1

今輯有睇選拔，覺得多了一些比較騎呢的女仔。  那兩個黑人女仔講真，真係唔係好靚，那個超造作的女仔又有份，反而那個有歐洲feel的女仔就落選。  不過，最開心係見到孖女michelle & amanda, furonda, jael & joanie出現!  暫時比較留意那個第一次穿高跟鞋，行catwalk怪怪的女仔。

#2

雖然今輯多咗一個女仔入選，但第一次正式比賽就已經有兩個走咗，其實即係冇分別。  kim不喜歡high fashion，那麼她到底是怎樣通過面試呢?  對於那些落選的女仔好唔公平!  咁快那兩個黑人女仔就鬧交!  雖然她們的經歷好可怕，但都唔可以搵交嗌!

#3

上集fatima & marvita已和好，今集就輪到那個超造作的allison生事，成日以為自己model經驗多，睇唔起其他人，聽完評判指導後竟然唔講"多謝"，仲要nigel barker開到口，她都唔肯講，評判最討厭就是這種過份自負，唔聽話的女仔，所以抵out!  (據以往記錄，有model經驗的女仔通常都早出局)

雖然我喜歡lauren (有點笨拙)，但對於她成為第一名有點驚訝!  另外，claire都唔錯。

今次改造髮型效果非常好，令到好幾個睇唔順眼的女仔變成順眼咗!  e.g. fatima, whitney...基本上係全部人都好睇咗!

#4

今次竟然要把生肉披上身，真係幾噁心!  amis為人funny，愛玩，其實都得人歡心，可惜她過於不認真(其實她可能好好利用自己樂天的個性)，評審日竟然唔願起身，打份又求其，令評審留下壞印象，雖然話因為緊張，所以有d反常行為，但參加比賽點都要檢點d。  最後被out都是意料中事。

另外，lauren的catwalk真係要俾心機改善，因為到比賽中後段係唔可以單靠影相好進級的!

#5

似乎參賽者吸取了歷屆的經驗定了phone list制度，很好!  今次的衝突輪到係dominique跟whitney。 

過往總有些女仔唔知點解突然失去信心，然後就被out，今屆就輪到marvita，都有點意外，明明之前見她好有鬥心。 

lauren竟然被人偷鞋!!!

反而dominique經過兩次bottom 2之後就真係俾心機，越戰越勇。 lauren還是快點去惡補貓步吧!!!

其實我覺得那個什麼忍者的post太過份造作。

~~~~~

上維基查人名時，竟然被neta了，明明已經係一太堆英文，點知都係唔覺意咁望到個名!  那個人得冠軍太令人意外了，真係好想知她到底點贏?  明明有好多有實力的女仔...  另外，我對她以後的發展都有點疑慮!