超低能 勁無聊

今日收到一個做問卷調查的電話(手機)，咁見幾得閒就答咗幾題，去到最後一題問我貴姓。  我本身十分抗拒隨便透露個人資料，加上我認為答問卷冇必要知人姓乜，所以唔答，咁個女仔(問卷調查員)就叫我求其作個姓氏/英文名俾佢，但我覺得連作的必要都冇，講多兩講，我就話當我冇做過份問卷，之後收線。

然後，我去完茶水間回來，見到有個留言，竟然係那個女仔留言鬧我 "死八婆，答剩最後一題都唔答，食X啦!”!!!  第一個反應係(haha!!!) 那個人好低能&無聊，有時間去打電話鬧人，不如打多個電話做多份問卷啦!  我相信一定有好多比我麻煩&態度差的人，咁都忍受唔到，EQ真係好差好差。

朋友們聽到之後都覺得好嬲，但我反而覺得好好笑，因為那個人實在是太白痴&無聊!  況且麻煩的事已經夠多，唔值得為佢而再殺死更多細胞。

那個調查機構好似叫什麼”大中華研究中心”。 咁當然冇來電顯示啦!  有的話我一早已經打去投訴!