北海道十勝豚丼

之前睇報紙介紹過，覺得價錢唔貴，想去試下，但就唔記得地址。  然後有次跟朋友打算到女人街食飯，就被我誤打誤撞找到這間食店。 

前後去了兩次，都是晚上10時後去，所以不用等位。  反而有次大約8pm去的時候，就見到有好多人在店外等位。

第一次去點了招牌菜 - 薄燒豚丼和燒豚肩胛丼(白鹽海風味)。  只是單點，沒有要定食。  薄燒豚丼的豚肉都算薄，但可能因為冇乜汁，所以有點乾，評價一般。  飯睇落以為乾，但實際上頗軟熟。  反而那個白鹽海風味的燒豚肩胛丼就很好味。 

燒豚肩胛丼(白鹽海風味) ($3x)

第二次去，大家都就點了吉列豬扒飯。  可能因為有蛋的關係，所以覺得這個飯唔乾。

吉列豬扒飯($4x)

總括來說，我們都覺得那裡的飯頗抵食，三十幾蚊(起)，可以食到好飽 (豚肉多飯又多，以一個女仔來說，應該很難把整碗飯吃完) ，而且亦幾好食 (如果唔係唔會一個月內去兩次)。  其實都想試那個什麼年糕，但連飯都食唔晒，都冇乜可能再吃其他小食。  另外，網友說拉麵都不錯，下次可以試下。

唯一要彈的就只有茶杯太細了，要添多幾次水!