第一次戴con實錄

先講我是有4百幾度近視+3百幾度散光，由小學開始已經戴眼鏡。  就算後來有隱形眼鏡的出現，我都仍然戴着那不算輕巧眼鏡(基於度數深的關係)。  原因非常簡單就是懶 & 怕麻煩!!!  首先，每朝早我絕對不可能有時間去戴con(每天都是趕頭趕命出門口);  第二，我亦不會每晚花時間去洗con & 浸con;  第三，如果副con不夠清潔是會引至眼疾。  就算現在有one day con都冇用，因為我度數太深。

這次之所以去佩con，都真是因為友情的偉大吧!!!  (下個月初要當姊妹，出年3月要當伴娘，出年年尾唔做伴娘都要做姊妹。  總不可能戴着粗框眼鏡去當伴娘吧!)

因為1)只會在有必需要的日子才戴; 2)一盒有15對，可以讓我有多幾天試戴;  3)保存期到2013年;  4)合乎經濟原則。 所以明知度數不足，我都是選擇買one day con。

今天去取con(就算是one day都要訂)，都預咗要花時間學戴con & 除con。   結果光是成功戴con就花了1小時，而且隻眼仲被指甲督到腫晒。  之後學除con仲恐怖，我眼細點可能塞兩隻手指入去!!!  結果店員先幫我除一隻con。  佢一郁手，我即刻"嘩"一聲叫出來，感覺好似拍"恐懼鬥室"咁被人格硬挖隻眼出來!!!   不過，之後經過半小時的努力，終於學成了!!!

戴con之後只是感覺有點"梗"眼，除此之外就沒有其他不適，又沒有眼紅。  另外，因為那副con不合度數，所以睇遠嘢都有點朦，落樓梯有點暈。 還有就是成日會不自覺想去托下副眼鏡吧!

戴了4小時後除con有點困難，可能是因為眼有點乾吧!  除con之後，眼睛有點不舒服，幸好家裡有眼藥水。 

月尾要連續試戴幾天等眼睛習慣，到時要買定隱形眼鏡專用藥水 & 眼藥水。

雖然戴con有它的方便 & 好處，不過成日撐大隻眼(係撐得好大好大)會搞到有眼紋呢!!!  而且我唔覺得自己唔戴眼鏡個樣靚過戴眼鏡!!!

focus one day 散光 con